Կոպենհագենի հարկային տեսչության շենքում պայթյուն է որոտացել. տուժել է մեկ մարդ

Դանիայի մայրաքաղաք Կոպենհագենի ոստիկանությունը սկսել է երկրի հյուսիսում գտնվող շենքերի համալիր մոտ տեղի ունեցած պայթյունի հետաքննությունը: Պայթյունը որոտացել է երեքշաբթի ուշ երեկոյան, հայտնում է ՏԱՍՍ-ը:

«Մենք չենք կարող և չենք հաշտվի նման հարձակման հետ,», - վստահեցրել է մայրաքաղաքի ոստիկանության ավագ տեսուչ Յորգեն Բերգեն Սկովն ու հավելել. «Դեռ վաղ է ասել, թե ով է  կագնած պայթյունի հետևում: Բայց մենք լուրջ ենք մոտեցել գործին և դեռ երեկ հետաքննություն ենք սկսել»,- հայտնում է Reuters-ը: 

Նշենք, որ օգոստոսի 6-ին՝ տեղական ժամանակով 22:16-ին, մայրաքաղաքի Էսթերբրու շրջանում՝ հարկային տեսչության շենքերի համալիրի մուտքի մոտ, իրավապահները պայթյունի մասին առաջին հաղորդագրությունն էին ստացել: Դեպքի պահին ներսում 2 մարդ էր եղել, որոնցից մեկը ստացել է մի քանի վնասվածքներ: 

Պայթյունի հետևանքով կոտրվել են մի քանի պատուհաններ, ինչպես նաև ամբողջությամբ վնասվել է շենքերից մեկի ճակատային հատվածը: