Միայն հիվանդների կողմից դիմակ կրելու հորդորը եղել է մարտի 31-ին, երբ դիմակների համաշխարհային դեֆիցիտ կար. Փաշինյան

Միջազգային մամուլում տարածվում է մարտի 31-ին տեղ գտած տեղեկատվությունը, որ Առողջապահության համաշխարհային կազմակերպությունը այն ժամանակ հորդորել է դիմակ կրել հիվանդներին եւ հիվանդ խնամողներին: Այս մասին այսօր պարետատան նիստից հետո ճեպազրույցի ժամանակ նշեց ՀՀ վարչապետ Նիկոլ Փաշինյանը՝ անդրադառնալով վերջին շրջանում տարածվող ապատեղեկատվությանը:

«Դա եղել է մարտի 31-ին, երբ դիմակների համաշխարհային դեֆիցիտ կար եւ ընդհանուր առմամբ, սա ցույց է տալիս, որ ամբողջ աշխարհում եղել է եւ ինչ-որ առումով կարող է լինել շփոթ միջոցների արդյունավետության գնահատման վերաբերյալ: Սա այն դեպքն է, երբ ամբողջ մարդկությունը իրար հետ սովորում ենք համավարակի արդյունավետ պայքարի միջոցները: Այդ շփոթը, որ գուցե մարդիկ նկատել են մեր կառավարության մոտ, այն առկա է ամբողջ աշխարհում»,-ասաց նա: