Ռուսաստանը նշել է, թե ով է մեղավոր թուրքական ավտոշարասյան պայթյունի համար

«Ալ-Իսլամադ-Թուրքեստանի» զինյալ խմբավորումը մասնակից է Իդլիբի ապաէսկալացիոն գոտում թուրքական պարեկայինների պայթեցմանը. այս մասին հայտարարել է Սիրիայում հակամարտող կողմերի հաշտեցման ռուսական կենտրոնի ղեկավար Օլեգ Ժուրավլյովը։

«Ահաբեկչության մեջ մեղավոր են «Ալ-Իսլամադ-Թուրքեստանի» խմբավորման զինյալները, ովքեր գործի են դրել ինքնաշեն պայթուցիկ սարքեր», - նշել է Ժուրավլյովը։

Նշենք, որ երեկ ԶԼՄ-ները տեղեկություն էին տարածել, ըստ որի Իդլիբի Մ4 ավտոմայրուղում պայթյուն է տեղի ունեցել, որի հետևանքով երկու թուրք զինվոր էր վիրավորվել։ Վիրավորներին տեղափոխել էին Թուրքիայից ժամանած ուղղաթիռներով, որից հետո Թուրքիայի ՊՆ-ն հայտնեց մահացած մեկ զինվորի մասին։