ՏԵՍԱՆՅՈՒԹ․ Հնարավոր է կորոնավիրուսով հիվանդների բուժման խորը սորտավորման անցում լինի․ Թորոսյան

Այս տեմպով եթե շարունակվի՝ հնարավոր է կորոնավիրուսով հիվանդների բուժման խորը սորտավորման անցում լինի՝ ըստ Yerkir.am-ի ասաց ՀՀ առողջապահության նախարար Արսեն Թորոսյանը, որը մասնակցում էր Հանրային խորհրդի առցանց նիստին։

«Խորը սորտավորում պատերազմի ժամանակ է նաև արվում, երբ այն պացիենտներին են հիմնականում վերցնում բուժման, որոնք որ շանս ունեն փրկվելու և հակառակը»,-մանրամասնեց նա։

Նա չբացառեց, որ նույնիսկ այս տեմպի պահպանման ժամանակ մոտ օրերս անցնենք այս մեխանիզմին, բայց վստահեցչեց, որ ամեն ինչ անում են, որ դրան չգնանք՝ նոր մահճակալներ են ներառում և այլն։

Նա վստահեցրեց, որ այս պահին բոլոր հիվանդներն ստանում են բուժօգնություն, նրանք ուղղակի հիվանդանոցներում չեն պառկած, որ նրանց վիճակը չծանրանա։

«Մենք ծանրերին հիմնականում ընդունում ենք ի սկզբանե։ Մոտավորապես գիտենք իրականում՝ ով է ծանր դառնալու․ դրանք մեր տարեց, խրոնիկական հիվանդություններ ունեցող քաղաքացիներն են ու ուշացած դեպքերը։ Դժբախտաբար մենք հիմա էլ ունենում ենք ուշացած դեպքեր, որ օրինակ, քաղաքացին դիմում է այնպիսի վիճակում, որ թոքերի թթվածնի քանակն այնքան ցածր է, որ մենք մաքսիմում մի օր կարողանում ենք ինչ-որ բան անել ու չենք կարողանում փրկել»,-ասաց Արսեն Թորոսյանը։

Խորը սորտավորման կարիք կլինի հիվանդացությունների թվի աճի դեպքում՝ ասաց առողջապահության նախարարը։

Մանրամասն՝ տեսանյութում․