Վերացվել է կորոնավիրուսից բուժվածներին զորակոչելու արգելքը.Պենտագոն

ԱՄՆ Պաշտպանության նախարարությունը վերացրել է կորոնավիրուսից բուժված ամերիկացիներին զորակոչելու արգելքը. այս մասին գրում է ՏԱՍՍ-ը՝ Stars and Stripes թերթին հղումավ.

Պենտագոնի աշխատակազմի ղեկավարի տեղակալ Մեթյու Դոնովան այս առնչությամբ, մասնավորապես, ասել է. «Ես չեղարկել եմ այն», նկատի ունենալով մայիսի 6-ի հրամանը կորոնավիրուսի պատճառով հոսպիտալացված նորակոչիկների վերաբերյալ:

Միևնույն ժամանակ նա նաև պարզաբանել է, որ հրամանագրի չեղարկումը կապված է հոսպիտալացման պատճառը մեկնաբանելու դժվարության հետ, որի կապակցությամբ մարդիկ, ովքեր հոսպիտալացվել են լուրջ բարդությունների պատճառով, կկարողանան դիմել ծառայության տարկետման համար:

«Հոսպիտալացում» հասկացությունը կարող է օգտագործվել այն դեպքերում, երբ բժիշկը գիշերը հիվանդին թողնում է հիվանդանոցում՝ նրան հետեւելու համար կամ երբ հիվանդը երեք շաբաթ գտնվում է մեդիկամենտոզային կոմայի մեջ,- պարզաբանել է Դոնովան ու հավելել. «Հետևաբար, յուրաքանչյուր դեպք պետք է դիտարկել անհատապես»:

Նա ամփոփել է նաև, որ զորակոչի արգելքը շարունակում է գործել կորոնավիրուսի ախտանիշներ ունեցող կամ դրական արդյունքով կորոնավիրուսի ախտորոշման թեստ հանձնած քաղաքացիների համար: