«Իսլամական պետության» դեմ պայքարի համար անհրաժեշտ է ցամաքային գործողություն Իրաքում և Սիրիայում. Պենտագոն

«Իսլամական պետություն» ծայրահեղական խմբավորման գրոհայիններին հաջող հակահարված տալու համար միայն ավիահարձակումները բավարար չեն, անհրաժեշտ է ցամաքային գործողությունների իրականացում Իրաքի և Սիրիայի տարածքում: Այս մասին հայտնել է ԱՄՆ ԶՈՒ պետերի միացյալ կոմիտեի նախագահ, գեներալ Մարտին Դեմփսին. գրում է РИА Новости-ն:

Նա նշել է, որ թեև ավիահարձակումները ապացուցել են իրենց արդյունավետությունը և արդեն սկսել են ոչնչացնել իսլամականների ենթակառուցվածքները, այնուամենայնիվ, դա բավարար չէ։ Նրա կարծիքով` անհրաժեշտ է ընդունել «քաղաքական որոշում», իսկ Սիրիայում և Իրաքում ցամաքային գործողություններ իրականացնել։