Չինաստանը հերքել է ԱՄՆ մեղադրանքները և հրաժարվել է վճարել 9 տրլն դոլար

Չինաստանի ԱԳՆ պաշտոնական ներկայացուցիչ Չժաո Լիցզյանը անպատասխանատու է անվանել ԱՄՆ պետքարտուղար Մայք Պոմպեոյի հայտարարություններն առ այն, որ կորոնավիրուսի պատճառով Չինաստանը աշխարհին պատճառել է 9 տրլն դոլարի վնաս։

«Այդ արտահայտություններն անհիմն են ու զուրկ որևէ իմաստից։ Ցանկանում եմ ընգծել, որ մարդիկ հստակ պատկերացնում են, թե ով է կրում ԱՄՆ-ում համավարակի բռնկման համար  պատասխանատվությունը։ Որոշ ամերիկացի պաշտոնյաներ փորձում են մեղքը բարդել Չինաստանի վրա, սակայն այդ մեղադրանքը շատ ծանր է, իսկ դրանց պատճառաբանությունները թույլ», - նշել է դիվանագետը։

Ըստ Լիցզյանի՝ ԱՄՆ թշնամին ոչ թե Չինաստանն է, այլ կորոնավիրուսը։