Լոնդոնը դեռ չի հաստատել` կընդունի արդյոք Euro-2020-ի խաղերը

Լոնդոնը դեռևս չի հաստատել, որ պատրաստ է հաջորդ տարիընդունել Euro-2020-ը:

Եվրոպայի ֆուտբոլի ասոցացիան` ՈՒԵՖԱ-ն, հետաձգել է առցանց կոնֆերանսը, քանի որ անգլիական կողմը դեռևս չի հաստատել, որ մյուս տարի ընդունակ կլինի անցկացնել Եվրոպայի հոբելյանական առաջնության մի շարք հանդիպումները, ինչպես նաև եզրափակիչ խաղը:

Ավելի վաղ` ՈՒԵՖԱ-ն հայտարարել էր ուզում է, որ Եվրոպայի հոբելյանական առաջնությունն անցկացվի12 քաղաքներում, անկախ նրանից, որ մրցաշարը հետաձգվել է մեկ տարով: Հյուրընկալող քաղաքների կազմկոմիտեները մինչև ապրիլի 30 պետք է համապատասխան նամակ ուղարկեն՝ ՈւԵՖԱ-ին իրենց մասնակցությունը ևս մեկ անգամ փաստելով։ 

Եվրոպայի առաջնությունը կանցկացվի 2021 թվականին`հունիսի 11-ից հուլիսի 11-ը: Եվրոպայի առաջնության 60-ամյակի կապակցությամբ մրցաշարը կանցկացվի 12 քաղաքներում` Լոնդոնում, Մյունխենում, Սանկտ-Պետերբուրգում, Բաքվում, Հռոմում, Բուխարեստում, Դուբլինում, Կոպենհագենում, Բիլբաոյում, Գլազգոյում, Բուդապեշտում և Ամստերդամում: