Ուկրաինայի դեսպանը սպառնացել է Թուրքիային թողնել առանց ուկրաինացի զբոսաշրջիկների

Թուրքիայում Ուկրաինայի դեսպան Անդրեյ Սիբիխան սպառնացել է երկիրը թողնել առանց ուկրաինացի զբոսաշրջիկների այն պատճառով, որ Հաղթանակի օրը Ալանիայում շրջիկ համերգի ժամանակ հնչել է  խորհրդային «Կատյուշա» երգը. ըստ yerkir.am-ի` հայտնում է ուկրաինական «Ստրանա» պարբերականը:

Դեսպանն այդ մասին գրել է թվիթերյան իր միկրոբլոգում` տեղադրելով համապատասխան տեսանյութը: «Ես ցանկանում եմ մտածել, որ Ալանիայում մեր թուրք ընկերները մոլորության մեջ են եղել: Փաստը, որ Ալանիայի մունիցիպալիտետն աջակցում է սադրիչ գործողությունների, վկայում է միլիոնավոր ուկրաինացիների զգացմունքները չհարգելու մասին: Թե՞ իսկապես գեղեցիկ Ալանիայում այլևս չեն ցանկանում տեսնել ուկրաինացի զբոսաշրջիկների»,- գրել է նա: