Բաքվում Ուկրաինայի դեսպանը Շուշին համարում է ադրբեջանական մշակույթի մաս, իսկ ՀՀ-ում ոմանք Ուկրաինայի գովքն են անում

Ուկրաինան երկար տարիներ է, ինչ տարբեր մակարդակներում հայտարարում էր, որ աջակցում է, այսպես կոչված, «Ադրբեջանի տարածքային ամբողջականությանը», ինչպես նաև սերտ համագործակցում էր մեր թշնամի Թուրքիայի և Ադրբեջանի հետ:

Արցախյան երկրորդ պատերազմից հետո Ադրբեջանն ամեն բան անում էր, միջազգային կառույցներին, դիվառաքելություններին Արցախից զավթած տարածքներ տանելու համար:

Այսպես՝ 2021 թ. հուլիսին Ադրբեջանը կազմակերպեց մի շարք երկրների դեսպանների այցելություն Արցախից զավթած շրջաններ, ներառյալ՝ Շուշի քաղաք: Ուկրաինայի դեսպան Վլադիսլավ Կանևսկին նրանց թվում էր: Դեսպանը Շուշիից հակահայկական և ադրբեջանամետ գրառմամբ էր հանդես եկել։

 «Իմ երազանքն իրականացավ: Ես այցելեցի Շուշա` Ղարաբաղի և ադրբեջանցիների հոգևոր մայրաքաղաք: Սա ծանոթություն էր ինչպես Ադրբեջանի մեծ պատմամշակութային ժառանգության հետ, այնպես էլ ազատագրված տարածքների վերականգնման մեծ նախագծերի»,- գրել էր ուկրաինացի դեսպանը:

Փետրվարի 24-ին Ուկրաինա ռուսական ներխուժումից հետո Հայաստանում տարբեր արևմտյան աղբյուրներից գրանտներով սնվողները որոշեցին իրենց աջակցությունը հայտնել Արցախն ադրբեջանական համարող Ուկրիանային` թքած ունենալով սեփական հայրենիքի շահերի, հանուն դրա նահատակվածների հիշատակի վրա: