Facebook-ը հայտնաբերել է կորոնավիրուսի վերաբերյալ ապրիլին արված 50 մլն կեղծ գրառում

Facebook սոցիալական ցանցը հայտնաբերել է անցյալ ամիս COVID-19-ի մասին ապատեղեկատվական 50 մլն գրառում. այս մասին ընկերությունը նշել է համապատասխան հաշվետվությունում։

Մասնավորապես, նշվում է՝  Facebook-ը ոչ հավաստի տեղեկատվական նյութերին կցել է հատուկ նախազգուշական նշան։ Վերջինս 95 տոկոսով կրճատել է տվյալ նյութերի դիտելիությունը։ Արդեն իսկ ջնջվել են հարյուր հազարավոր գրառումներ, որոնք կարող էին հանգեցնել անխուսափելի ֆիզիկական վնասի։

Միևնույն ժամանակ ընկերությունը տեղեկացնում է, որ համագործակցում է ավելի քան 60 կազմակերպությունների հետ, որոնք ստուգում են տեղեկատվության հավաստիությունն ավելի քան 50 լեզուներով։