ԱՄՆ պետքարտուղարը իրանական իշխանություններին համեմատել է նացիստների հետ

Իրանական միջուկանյին զենքի շրջանակներում ձեռք բերված Համատեղ համապարփակ գործողությունների ծրագրից ԱՄՆ-ի դուրս գալու 2-րդ տարելիցին ԱՄՆ պետքարտուղար Մայք Պոմպեոն իրանական իշանություններին համեմատել է նացիստներին։

«75 տարի առաջ ԱՄՆ-ն և իր դաշնակիցները գործել են համատեղ, որպեսզի ազատեն աշխարհւ նացիստներից և նրանց այլատյաց գաղափարախոսությունից։ Այսօր մենք կանգնած ենք լրջագույն վտանգի առաջ այլ հանցավոր ռեժիմի կողմից, և մենք դարձյալ կոչ ենք անում միջազգային հանրությանը միանալ մեզ, որպեսզի կանգնեցնենք հակասեմիստական խոշորագույն հովանավորին», - նշվում է պետդեպարտամենտի հայտարարության մեջ։

Ըստ նրա՝ համաձայնագրից ԱՄՆ-ի դուրս գալուց 2 տարի անց ամերիկացիներն ավելի անտանգ են, իսկ Մերձավոր Արևելքը գտնվում է խաղաղության մեջ ավելի, քան եթե ԱՄՆ-ն մնար համաձայնագրի շրջանակներում։

Պոմպեոն ընդգծել է, որ ԱՄՆ-ն կօգտագործի իր բոլոր հնարավոր դիվանագիտական լծակները՝ Իրանին զենք վաճառելու էմբարգոն երկարաձգելու համար, որի ժամկետը լրանում է հոկտեմբերին։