Բացվել է Չինաստան-Եվրոպա երկաթուղային բեռնափոխադրումների նոր ուղին

Մայիսի 4-ին բացվել է Չինաստան-Եվրոպա երկաթուղային բեռնափոխադրումների նոր ուղին, որը կապում է չինական Իու քաղաքը Լիտվայի մայրաքաղաք Վիլնյուսի հետ. այս մասին հայտնում է ՌԻԱ «Նովոստի»-ն: 

Նշվում է՝ երկաթուղու երկարությունը 10 146 կմ է։ Այն անցնում է Ղազախստանով, Ռուսաստանով և Բելառուսով: Վիլնյուսից բեռները կուղղվեն Եվրոպայի 36 երկիր՝ այդ թվում՝ Իսպանիա, Դանիա, Շվեյցարիա և Ֆրանսիա:

Երկաթգծի ուղղության գործարկումը դարձել է նոր գիծ միջազգային փոխադրումների համար համավարակի պայմաններում:

Տեղեկացնենք՝ այս պահի դրությամբ չինական Իու քաղաքը 12 բեռնափոխադրումային երթուղիներով կապված է 37 երկրների ու շրջանների հետ ամբողջ Եվրասիայում: