Փոխարժեքներ
31 03 2025
|
||
---|---|---|
USD | ⚊ | $ 391.57 |
EUR | ⚊ | € 423.72 |
RUB | ⚊ | ₽ 4.6159 |
GBP | ⚊ | £ 506.65 |
GEL | ⚊ | ₾ 141.57 |
Արցախի Հանրապետութեան ընտրեալ նախագահ
Տիար Արայիկ Յարութիւնեանին
Ստեփանակերտ, Ա․Հ․
Մեծարգոյ Պրն. Յարութիւնեան,
Հ.Յ. Դաշնակցութեան Բիւրոյի անունից շնորհաւորում եմ Ձեզ՝ Արցախի Հանրապետութեան նախագահ ընտրուելու կապակցութեամբ: Արցախում տեղի ունեցած նախագահական և խորհրդարանական ընտրութիւնները ևս մէկ անգամ ապացուցեցին Արցախի մեր ժողովրդի աննկուն կամքը՝ ազատ ապրելու և սեփական ճակատագիրը տնօրինելու իր անբեկանելի որոշման մասին: Լիայոյս ենք, որ յառաջիկայ տարիները կը լինեն Արցախի համար տնտեսութեան զարգացման, ժողովրդավարութեան ամրապնդման, բանակի է՛լ աւելի հզօրացման և անվտանգութեան խորացման տարիներ:
Վստահեցնում ենք Ձեզ, որ Հ. Յ. Դաշնակցութեան համար Արցախը եղել է, կայ և շարունակում է մնալ գլխաւոր առաջնահերթութիւններից մէկը, որի անվտանգութեանն ի սպաս Դաշնակցութիւնը պատրաստ է, ինչպես միշտ, ներդնել իր ողջ կարողականութիւնը:
Կրկին շնորհաւորում եմ Ձեզ՝ Ձեզ վստահուած յոյժ կարևոր պատասխանատութեան կապակցութեամբ և մաղթում քաջառողջութիւն և բեղմնաւոր աշխատանք:
Յարգանքով՝
Յակոբ Տէր-Խաչատուրեան
Հ․Յ․Դ․ Բիւրոյի ներկայացուցիչ