Վայոց ձորը ևս օգտվեց ՀՅԴ-ի սոցիալական աջակցության ծրագրից

Կորոնավիրուսի համավարակի դեմ պայքարին ուղղված միջոցառումների շարքում ՀՅԴ «Նիկոլ Աղբալյան» ուսանողական, Հայաստանի երիտասարդական միությունների և ՀՅԴ Հայաստանի մարզային կառույցների նախաձեռնությամբ այսօր Վայոց ձորի սահմանամերձ գյուղեր կարիքավոր ընտանիքներին փոխանցվել են սոցիալական աջակցության փաթեթներ։ 

Yerkir.am-ն ավելի վաղ հայտնել էր, որ ծրագրի շրջանակներում ՀՀ Տավուշի մարզի սահմանամերձ մի շարք գյուղերի ընտանիքներին արդեն տրամադրվել է մեծաքանակ պարենամթերք, մաքրման, ախտահանիչ և այլ պարագաներ: 

ՀՅԴ միություններն ու կառույցներն իրենց շնորհակալությունն են հայտնում բոլոր բարերարներին, այդ թվում՝ ԱՄՆ-ի Նոր Ջուղայի «Զարթոնք» միությանը, հայրենիքում ապրող հայրենակիցներին դժվարին այս օրերին օժանդակության ձեռք մեկնելու համար: