Բելգրադում կորոնավիրուսից մահացել է «սերբական Ալ Կապոնեն». Blic

Բելգրադում կորոնավիրուսից մահացել է սերբ գործարար Դրագոսլավ Կոսմայացը, որին անվանում էին երկրի նարկոմաֆիայի բոս և «սերբական Ալ Կապոնե». ըստ yerkir.am-ի` հայտնում սերբական Blic պարբերականը:

67-ամյա Կոսմայացին հիվանդանոց էին տեղափոխել մարտի վերջին: Ի սկզբանե նրա վիճակը ծանր է եղել:

Սերբ նարկոբարոնը բազմաթիվ անշարժ գույքի, սրճարանների ու ռեստորանների սեփականատեր էր Սերբիայում ու Արևմտյան Եվրոպայի երկրներում: Նրան մեկ անգամ չէ, որ թմրանյութերի վաճառքի մեղադրանք էր ներկայացվել: 2014-ին էլ ձերբակալվել էր հարկերից խուսափելու համար, իսկ հետագայում մեղադրվել կաշառակերության մեջ: Սակայն 2018-ին Վերաքննիչ դատարանը արդարացրել էր Կոսմայացին: