Պուտինն ու Փաշինյանը քննարկել են կորոնավիրուսի դեմ պայքարի հարցը. ՌԻԱ Նովոստի

ՌԴ նախագահ Վլադիմիր Պուտինը ՀՀ վարչապետ Նիկոլ Փաշինյանի հետ քննարկել է կորոնավիրուսի դեմ պայքարի հարցը. այս մասին գրում է ՌԻԱ Նովոստի-ն՝ Կրեմլի մամուլի ծառայությանը հղումով. հայտնում է Yerkir.am-ը։

Նշվում է, որ հեռախոսազրույցի ընթացքում երկու երկրների ղեկավարները քննարկել են կորոնավիրուսի դեմ պայքարի հարցը. հեռախոսազրույցը կայացել է հայկական կողմի նախաձեռնությամբ:

«Քննարկվել են կորոնավիրուսի տարածման դեմ ձեռնարկվող միջոցները: Նիկոլ Փաշինյանը տվյալ համատեքստում նշել է ռուսական կողմի ցուցաբերած աջակցության համար մեծ երախտագիտությունը»,- պարզաբանվում է հաղորդագրությունում, ու միևնույն ժամանակ հստակեցվում, որ կողմերը անդրադարձել են նաեւ երկկողմ համագործակցության ակտուալ հարցերին, ինչպես նաեւ ԵԱՏՄ-ի շրջանակում համագործակցությանը: Բացի այդ, համաձայնեցվել է առաջիկա շփումների գրաֆիկը: