Թրամփը խոստացել է այլ երկրների թոքերի արհեստական օդափոխման սարքեր տրամադրել

ԱՄՆ նախագահ Դոնալդ Թրամփը ուրբաթ լրագրողների հետ զրույցում հայտարարել է, որ ԱՄՆ-ը պատրաստվում է մոտակա 100 օրվա ընթացքում թոքերի արհեստական օդափոխման մոտ 100 հազար սարք արտադրել. ըստ yerkir.am-ի` տեղեկացնում է ՌԻԱ «Նովոստի»-ն:

«Մենք շատ սարքեր կարտադրենք: Ես չեմ ասում ` միայն մեզ համար: Իտալիան սարքերի կարիք ունի, Իսպանիային են հարկավոր սարքեր, Գերմանիային են հարկավոր, բոլորը սարքեր են խնդրում: Մենք շատ սարքեր կարտադրենք ու կապահովենք մեր կարիքները, սակայն նաև կօգնենք այլ երկրների»,- ասել է ԱՄՆ նախագահը:

Թոքերի արհեստական օդափոխման սարքերը չափազանց կարևոր են կորոնավիրուսի ծանր ձևով տառապող հիվանդների համար: