Վրաստանի տարածքում արտակարգ դրության գործելու ժամանակ սահմանված սահմանափակումները և թույլատրելի գործողությունները

Վրաստանի կառավարության որոշմամբ, երկրի ողջ տարածքում արտակարգ դրության շրջանակներում, հաստատվում են կոնկրետ սահմանափակումներ. հայտնում է 1tv.ge-ն:

Սահմանափակումների և թույլտվությունների մասին տեղեկությունը տարածում է  վարչապետի մամուլի ծառայությունը:

Սահմանափակվում է երթևեկությունը.

• Մինչ արտակարգ դրության ավարտը, դադարեցված են բոլոր տեսակի միջազգային ուղևորափոխադրումները – օդային, ցամաքային և ծովային ճանապարհներով: Անհրաժեշտության դեպքում իրականացվում են չարտերային չվերթներ: Դադարեցված է ուղևորատար գնացքների երթևեկությունը, անխափան իրականացվում են միայն բեռնափոխադրումները:
• Արգելվում են միջքաղաքային ուղևորափոխադրումները երթուղային տաքսիներով և ավտոբուսներով: Դադարեցվում է ներքին օդային երթևեկությունը ուղևորներ տեղափոխելու նպատակով: Վրաստանի կառավարության համաձայնությամբ կիրականացվեն միայն չարտերային թռիչքները:
• Ինքնավար քաղաքի և մունիցիպալիտետի վարչական կենտրոնի սահմաններում դադարեցվում է ներքին երթևեկությունը երթուղային տաքսիներով և ավտոբուսներով, ուղևորներին տեղափոխելու նպատակով: Այս սահմանափակումը չի տարածվում մունիցիպալիտետի տարածքում, վարչական կենտրոնի և գյուղերի միջև ուղևորների տեղափոխման վրա:

ՈՒսումնական հաստատություններում մինչև ապրիլի 21-ը դադարեցվել է ուսումնական գործընթացը.

• Համապատասխան տեխնիկական ռեսուրսի առկայության դեպքում, ընդհանուր և բարձրագույն ուսումնական հաստատություններում հնարավոր կլինի  հեռավար ուսուցումը:
• Ուսումնական և գիտահետազոտական հաստատությունների վարչակազմերը պարտավոր են, մինչև ապրիլի 21-ը աշխատել հեռավար կարգով, եթե նրանց աշխատանքի վայրում գտնվելը չի ներկայացնում ծայրահեղ կարևորություն:
• Արգելվել են բոլոր տեսակի թրենինգները, կոնֆերանսները և սեմինարները: Նման միջոցառումները թույլատրվում են միայն հեռավար ռեժիմով:
• Հնարավորության սահմաններում թույլատրվում է արտոնագրման, ինչպես նաև մասնագիտական պատրաստման և վերապատրաստման կարգով պահանջվող վարչական գործառույթի հեռավար իրականացում: Նման դեպքում, վարչական վարույթի ժամկետը մինչև արտակարգ դրության ավարտը կհամարվի կասեցված:

Սահմանափակվել են տարբեր տեսակի միջոցառումներ.

• Արգելվում են մշակութային բոլոր միջոցառումները, թե բաց թե փակ տարածքում:
• Արգելվում են մարզական բոլոր միջոցառումները, ինչպես փակ, այնպես էլ բաց տարածքում, այդ թվում պարապմունքները:
• Ինչպես մշակութային, այնպես էլ մարզական միջոցառումներն ու ակտիվությունները թույլատրվում են միայն հեռավար կարգով:

Սահմանափակվում են հավաքները և մանիֆեստացիաները.

• Հանրային տարածքում արգելվում է 10 մարդուց ավելի հավաքը: Հանրային տարածք նշանակում է ցանկացած վայր, ինչպես դրսում, այնպես էլ շինություններում և չի ենթադրում մասնավոր անձի բնակելի տարածքը:
• Արգելվում են բոլոր տեսակի սոցիալական միջոցառումները, որոնք նախատեսում են 10-ից ավելի մարդու հավաք, օրինակ ՝ հոգեհաց, հարսանիք:
• Ավելի քան 10 անձի հավաք թույլատրվում է այն մասնավոր հաստատություններում, որոնք շարունակում են աշխատել: Նրանք պարտավոր են աշխատանքային վայրում պահպանել երկմետրանոց սոցիալական հեռավորությունը և ենթարկվել առողջապահության նախարարության հանձնարարականներին:

Սահմանափակվում է տնտեսական գործունեությունը.

• Ռեստորաններին, սննդի օբյեկտներին, արտադրամասերին արգելվում է ընդունել սպառողներին սպասարկման տարածք: Նշված օբյեկտները հնարավորություն ունեն օգտվել առաքման կամ այսպես կոչված դրայվ ծառայությունից:
• Դադարեցվել է ակումբների, ժամանցի կենտրոնների, կինոթատրոնների, մարզական դահլիճների, գեղեցկության սրահների, գիշերային ակումբների գործունեությունը:
• Արգելվել է նաև մոլուցքային և շահութաբեր խաղերի ծառայությունը: Նշվածը թույլատրվում է միայն էլեկտրոնային ձևով:
• Սնունդ արտադրող, վերամշակող օբյեկտները պարտավոր են մթերի ցանկացած տեսակով մշակման ժամանակ պահպանել ջերմաստիճանի ռեժիմները, անձնակազմը պետք է օգտագործի դիմակ, գլխաշոր և ձեռնոց, աշխատակիցները պետք է հաճախ լվան ձեռքերը հեղուկ օճառով, Ձեռքերը չորացնելուց հետո մշակել առնվազն 70% սպիրտով:
• Սնունդ արտադրող, վերամշակող օբյեկտները պարտավորվում են ապահովել բոլոր այն մակերեսների և գործիքի լվացում և ախտահանումը, որի հետ առընչություն ունի սնունդը:
• Սնունդ արտադրող և վերամշակող օբյեկտները մինչ աշխատանքի սկիզբը պետք է վերահսկեն աշխատողների առողջական վիճակը (հազ, շնչառության թուլություն, ջերմաստիճան): Սննդի վերամշակման ցանկացած փուլում պետք է պահպանեն ջերմաստիճանը:
• Առաքման ծառայություններ մատուցող ընկերությունները պարտավոր են, սնունդը տեղավորել մեկ անգամյա օգտագործման ամանի մեջ, իսկ բազմակի օգտագործման տարայի դեպքում լվանալ դրանք, սնունդը առաքելու ժամանակ պահպանել ջերմաստիճանային ռեժիմը: Աշխատակիցներին ապահովել դիմակներով և ձեռնոցներով:
• Մանրածախ և մեծածախ առևտրի օբյեկտները պարտավոր են անձնակազմին զինել դիմակներով և ձեռնոցներով: Հաճախ անց կացնեն ախտահանիչ աշխատանքներ և վերահսկեն սպառողների սոցիալական հեռավարությունը, առնվազն երկու մետր:

Սահմանափակումներ են գործում նաև մասնավոր սեփականության վրա

• Վրաստանի էկոնոմիկայի և կայուն զարգացման նախարարության առաջին դիմումի համաձայն, իրավաբանական և ֆիզիկական անձինք պարտավոր են,  Վրաստանի քաղաքացիներին Վրաստան վերադարձնելու և բեռնափոխադրումների համար իրականացնեն չարտերային թռիչքներ:
• Ապահովեն համապատասխան անձանց կարանտինի գոտի տեղափոխումը:
• Տրամադրել հյուրանոցներ և տեղավորման այլ վայրեր , քաղաքացիներին կարանտինում տեղավորելու և նրանց համապատասխան պայմաններով ապահովելու համար:

Սահմանափակումներ են գործում հանրային ծառայությունների մատուցման վրա.

Դադարեցվում են կամ հետաձգվում շենքերի ապամոնտաժումը.

Դադարեցվում են վարչական բողոքների ներկայացման և քննարկման ժամկետները.

Սահմանվել է նոտարների գործունեության տարբերվող կարգ.

Դրա հետ մեկտեղ, Վրաստանի ողջ տարածքում արտակարգ դրության ժամանակ թույլատրվում է.

• Ավելի քան 10 անձի հավաք հասարակական տրանսպորտում, եթե չի դադարեցվել նրա գործունեությունը արտակարգ դրության պատճառով.
• Ավելի քան 10 անձի հավաք բժշկական կամ հանրային հաստատություններում, պաշտպանական ուժերում և քրեակատարողական հիմնարկներում.
• Ավելի քան 10 անձի հավաքի սահմանափակումները չեն վերաբերում շինարարական-ենթակառուցվածքային աշխատանքների իրականացմանը.
• Թույլատրվում է մթերքի, կենդանիների կերի, կենդանիների, կենդանական և բուսական արտադրանքների, կենցաղային քիմիայի և հիգիենայի, անասնաբուժական դեղորայքի, թունաքիմիկատների և ագրոքիմիկատների, սերմերի և տնկանյութերի մանրածախ վաճառք.
• Էլեկտրահաղորդակցական, էլեկտրաէներգիայի, բնական գազի, ջրի, բենզինի, դիզելի, հեղուկ գազի մատակարարման օբյեկտների աշխատանքը.
• Բժշկական նշանակություն ունեցող ապրանքների, դեղագործական ապրանքների վաճառք.
• Չի դադարեցվում ապրանքների մանրածախ / մեծածախ վաճառքը, եթե դրանց վաճառքը իրականացվում է առաքմամբ կամ տարածքից դուրս բերելու միջոցով.
• Սահմանափակումները չեն վերաբերում մամուլի սրահներին.
• Ռեստորաններին, հասարակական սննդի հաստատություններին, արտադրամասերին կամ կազմակերպություններին թույլատրվում է աշխատել միայն արտադրանքի տեղում առաքմամբ, առանց սպառողներին տարածք ներս թողելու: