«Ձեր կորոնավիրուսի թեստը դրական է». Ադանայում քաղաքացին 10.000 մարդու SMS ուղարկելու համար ձերբակալվել է

Թուրքական Diken.com.tr կայքը հայտնում է, որ Ադանա քաղաքում նահանգապետարանի անունից 10.000 մարդու SMS հաղորդագրություն է ուղարկվել. «Հարգելի Կ.Կ.Ա, ավելի վաղ ձեր հանձնած թեստերի արդյունքները դրական են ցույց տվել։ Ահնրաժեշտ է հանդիպել Ադանայի քաղաքային հիվանդանոցի առաջին հարկում գտնվող լաբորատորիայի բժիշկ Ս.Դ-ին», - նշված էր հաղորդագրության տեքստի մեջ. հայտնում է Уerkir.am-ը։

Սկսված հետաքննության արդյունքում պարզվեց, որ հաղորդագրությունն անհիմն է, իսկ Ս.Դ անունով բժիշկ չկա։

Պարզվեց, որ հաղորդագրություն ուղարկողը Չուքուրովայի շրջանային կրոնական կառույցի աշխատողներից Ա.Թ.-ն է, ով ձերբակալվեց «ժողովրդի  մեջ լարվածություն, վախ և խուճապ տարածելու» մեղադրանքով։