Մոսկվա և Կիև այցից առաջ Մեծ Բրիտանիայի արտգործնախարարի կորոնավիրուսի թեստը դրական է ցույց տվել

Մեծ Բրիտանիայի արտաքին գործերի նախարար Լիզ Թրասը վարակվել է կորոնավիրուսով Ուկրաինա այցի նախօրեին։ Այս մասին նա հայտնել է Twitter-ի իր միկրոբլոգում։

Թրասը գրել է, որ երկուշաբթի՝ հունվարի 31-ի երեկոյան իմացել է, իր թեստը դրական է եղել: Նախարարը կինքնամեկուսանա և տնից կաշխատի:

Թրասի այցն Ուկրաինա նախատեսված էր այս շաբաթ։ Մինչ այս հաղորդվում էր, որ Թրասը և պաշտպանության նախարար Բեն Ուոլեսը մոտ օրերս կմեկնեն Մոսկվա՝ բանակցություններ վարելու։ Հայտարարությունից հետո, որում Բորիս Ջոնսոնը հասկացրել էր, որ հնարավոր են ավելի լավ հարաբերություններ Ռուսաստանի հետ, վարչապետը հանձնարարել էր արտգործնախարարին և պաշտպանության նախարարին՝ մոտ օրերս մեկնել Մոսկվա՝ բանակցելու գործընկերների հետ։