Սա ինձ համար նոր մարտահրավեր է. Կապարոսը՝ Հայաստանի հավաքականը գլխավորելու մասին

Ֆուտբոլի Հայաստանի ազգային հավաքականի նորանշանակ գլխավոր մարզիչ իսպանացի Խոակին Կապարոսn իր թվիթերյան միկրոբլոգում գրառում է կատարել՝ անդրադառնալով իր՝ ՀՖՖ գլխավոր մարզչի պաշտոնում նշանակվելու թեմային. հայտնում է Yerkir.am-ը:

Նա, մասնավորապես, նշել է. 

«Ցանկանում եմ շնորհակալություն հայտնել Հայաստանի ֆուտբոլի ֆեդերացիային վստահության համար: Սա նոր մարտահրավեր է ինձ համար: Ես և իմ թիմն ամեն ինչ կանենք այս հետաքրքիր նախագծի համար»:

Հիշեցնենք՝ Կապարոսը Հայաստանի ֆուտբոլի ֆեդերացիայի հետ կնքել է պայմանագիր, որը նախատեսված է մինչև 2021թ. նոյեմբերի 30-ը՝ 2022թ․ աշխարհի առաջնության ընտրական մրցաշարի ավարտը: