Երեք ժամ՝ տետ ա տետ. Պեսկովը՝ Պուտին-Էրդողան բանակցությունների մասին

ՌԴ նախագահ Վլադիմիր Պուտինը և նրա թուրք գործընկեր Ռեջեփ Թայիփ Էրդողանը 3 ժամ առանձին են բանակցել, այնուհետև նրանց միացել են պատվիրակությունները: Այդ մասին ՌԻԱ «Նովոստի»-ին հայտնել է ՌԴ նախագահի մամուլի քարտուղարի Դմիտրի Պեսկովը. տեղեկացնում է yerkir.am-ը:

«Խոսել են 3 ժամ: Արդեն կես ժամ էլ՝ պատվիրակությունների հետ»,- ասել է նա:

Պուտին- Էրդողան բանակցությունները սկսվել են Մոսկվայի ժամանակով 14:06-ին: Հիմնական թեման սիրիական Իդլիբում ստեղծված իրավիճակն է:

Բանակցություններից առաջ Վլադիմիր Պուտինն ասել է, որ թուրք գործընկերոջ հետ մանրամասն քննարկելու են իրադրությունը, որպեսզի այն չկրկնվի և չխաթարի ռուս-թուրքական հարաբերությունները, որոնք բարձր են գնահատվում: Էրդողանն էլ հույս է հայտնել, որ բանակցությունների արդյունքում Իդլիբի իրավիճակը կթեթևանա: