Արայիկ Հարությունյանը խնդրանքով դիմել է աշակերտներին ու ուսանողներին

ՀՀ ԿԳՄՍ նախարար Արայիկ Հարությունյանը ֆեյսբուքյան էջում գրառում է կատարել՝  խնդրանքով դիմելով աշակերտներին ու ուսանողներին. հայտնում է Yerkir.am-ը:

Նա նշել է.

«Շատ սիրելի աշակերտներ և ուսանողներ, այս հրապարակումն առաջին հերթին ուղղված է Ձեզ: Արձակուրդների այս օրերին միասին գործ ունենք անելու՝ ի շահ պետության:

Ուրեմն, քանի որ մեծամասամբ տիրապետում եք սոցիալական ցանցերի գործիքներին, ունեմ այսպիսի մի խնդրանք:

Նախ, դուք ծանոթացեք այս պաստառի (լուսանկարը՝ ստորև) բովանդակությանը, խստորեն հետևեք դրա պահանջներին, քանի որ վարակների տարածման այս փուլում նման միջոցառումները զգալի նվազեցնում են տարածումը:

Այնուհետև ծանոթացրեք այս պաստառի բովանդակությանը Ձեր տնեցիներին, ովքեր, գուցե, չեն օգտվում սոցիալական ցանցերից, մասնավորապես՝ տատիկ-պապիկներին:

Ու ամենակարևորը՝ բոլոր հնարավոր միջոցներով այս պաստառը լայն տարածեք ձեր էջերում, տարբեր խմբերում, չաթերում և այլն: Սույնով մեծ ծառայություն մատուցած կլինեք պետությանը:

Դե ինչ, ի գործ»:

Հիշեցնենք՝ ավելի վաղ ՀՀ առողջապահության նախարարությունը պաստառ էր ներկայացրել, որտեղ նշված է՝ ինչպես է պետք պաշտխանվել կորոնավիրուսից: