Ադրբեջանը խաղաղ գործընթացին պատասխանեց բռնությամբ․ Վարչապետը՝ Սումգայիթի ջարդերի մասին

Վարչապետ Նիկոլ Փաշինյանը այսօր իր թվիթերյան միկրոբլոգում գրառում է կատարել՝ անդրադառնալով 1988 թվականին Սումգայիթում տեղի ունեցած հայերի ջարդերին ու նշել, որ այսօր Հայաստանում հիշատակում են այդ օրը. հայտնում է Yerkir.am-ը:

Նա, մասնավորապես, նշել է. «32 տարի առաջ Լեռնային Ղարաբաղի ժողովրդի ինքնորոշման խաղաղ կոչերին Ադրբեջանը պատասխանեց հայերի դեմ զանգվածային բռնությամբ և ավերածություններով» ու հավելել, որ հարգանքի տուրք մատուցելով՝ ուժեղ հանձնառություն ենք վերցնում՝ կանխել նման հանցագործությունները։

Հիշեցնենք՝ 32 տարի առաջ այս օրը Խորհրդային Ադրբեջանի Սումգայիթ քաղաքում ադրբեջանական իշխանությունների կողմից պետական մակարդակով կազմակերպվեց քաղաքի հայ ազգաբնակչության եղեռն և զանգվածային տեղահանություն: