Սումգայիթի ջարդերի 35-րդ տարելիցի առթիվ Թբիլիսիում կայացավ պահանջատիրական երթ

Փետրվարի 26-ին` ժամը 10:45-ին պահանջատիրական երթ է տեղի ունեցել, որն ավարտվել է Սուրբ Գևորգ եկեղեցում, որտեղ, հանդիսապետությամբ Վիրահայոց թեմի առաջնորդ, հոգեշնորհ Կիրակոս վարդապետ Դավթյանի, կատարվել է հոգեհանգստյան կարգ Սումգայիթի անմեղ զոհերի հիշատակին. հայտնում է Վրաստանի Հայ Համայնք կազմակերպությունը։

Սումգայիթի ջարդերի 35-րդ տարելիցի կապակցությամբ Վրաստանի Հայ Համայնք կազմակերպությունը հայտարարություն է տարածել.

«Այս տարի լրանում է Սումգայիթի ջարդերի 35-րդ տարելիցը։ 1988թ. փետրվարի 27-29-ին, այն ժամանակ դեռևս Խորհրդային Ադրբեջանի Սումգայիթ քաղաքում սարսափելի դեպքեր էին տեղի ունենում: Երկաթյա ձողերով զինված ադրբեջանիցների ամբոխը, փայտերով, դանակներով, կացիններով իրականացնում էր «շրջայց» Սումգայիթում` փնտրելու բնակարաններ, որտեղ ապրում էին հայկական ընտանիքներ: Ադրբեջանցիները ասում են, որ Սումգայիթի, Մարաղայի և Բաքվի ջարդերը սկսվել էին նրա պատճառով, որ Ղարաբաղի հայերը սկսեցին Ադրբեջանի կազմից դուրս գալու շարժումը, ինչը բացարձակապես սուտ է, Արցախի հայությունը այդ ազատագրական շարժումը սկսեց նրա պատճառով, քանի որ Նախիջևանում և խորհրդային Ադրբեջանի կազմում գտնվող հայկական պատմական տարածքներում որտեղ բնակվում էին հազարավոր հայեր, մնացել էին միայն Արցախահայությունը։

Արցախի անկախությունը պահպանվեց հայ ժողովրդի հերոսական ոգով, և տասնյակ տարիների ընթացքում Հայաստանի, Արցախի և Սփյուռքի միասնական պայքարով հասնում էին հաջողությունների, ինչը խոչընդոտվեց ներկա իշխանությունների ապաշնորհ քաղաքականության հետևանքով և Արցախի հայությունը հայտնվեց բարդ վիճակում։

Ադրբեջանը, գրավված Ալիևի կլանի կողմից, որը ուզում է Արցախը հայաթափելով իրականացնի պանթյուրքիզմի գաղափարը, ինչը անրադառնալու է ինչպես Հայաստանին, այնպես էլ Վրաստանին։

2020 թվականի պատերազմի արդյունքում փաստեր կա, թե ոնց էին վերաբերվում հայ գերիների և մշակույթի նկատմամբ, այդ ամենը զարմանալի չէ, հաշվի առնելով, թե ինչպես է Ադրբեջանի կառավարությունը զոհաբերել իր ժողովրդին Խոջալուում, հանուն իր հակահայկական քարոզչությանը և ստի մեջ դաստիարակել սերունդներ։

Արդեն 3 ամիս է ինչ Արցախը շրջափակման մեջ է և այսօր Արցախը ունի աշխարհի կարիքը»։

Միջոցառման լուսանկարները ներկայացնում ենք ստորև.