Վորոնեժում սպանվել է հայ գործարարի որդին

Վորոնեժում այսօր առավոտյան դեռևս չպարզված հանգամանքներում սպանել են երիտասարդի: Ողբերգությունը տեղի է ունեցել, երբ 24-ամյա երիտասարդը Ռամոնսկի շրջանում մեքենայով տուն էր գնում. հայտնում է Yerkir.am-ը՝  Վեստի Վորոնեժ-ին հղումով:

Նշվում է՝ անհայտ անձը կրակել է մեքնեայի ապակու վրա: Ենթադրաբար, հանցագործը Մակարովի ատրճանակ է օգտագործել: Նա թաքնվել է: Ստացած հրազենային վնասվածքից երիտասարդը տեղում մահացել է:

Այս պահի դրությամբ հետաքննություն է ընթանում: Պարզվել է, որ սպանվածը հայ գործարարի որդի էր: Ընտանիքը երկար ժամանակ ապրում էր Վորոնեժում: Տնից ոչ շատ հեռու գտնվում է նրանց պատկանող սրճարանը: Ընտանիքի ծանոթներն այն կարծիքին են, որ ողբերգությունն առնչություն ունի տղայի հոր բիզնեսի հետ: