Վորոնեժում դիմակավոր անձինք հարձակում են գործել հայերի վրա

Օրերս Վորոնեժում անհայտ դիմակավոր անձինք ավազակային հարձակում են իրականացրել: Նրանց զոհերը մի քանի կովկասցիներ են եղել: Տեսագրությունում գրանցված խոսակցությունից դատելով՝ տուժողները հայեր են. հայտնում է Moe-online.ru-ն:

Տուժածների խոսքերով՝ իրենք կանգնած են եղել Փառքի հուշարձանի մոտ, երբ նրանց վրա, առանց որևէ պատճառի, հարձակվել են, սկսել հարվածել մեքենաներին ու ծեծի ենթարկել: Հարձակումից հետո անհայտ անձինք նստել են իրենց մեքենաներն ու հեռացել: Տուժածներից երկու հոգու տարբեր աստիճանի վնասվածքներով հիվանդանոց են տեղափոխել:

Հարձակման արդյունքում «Լադա Պրիորա» ու ՎԱԶ-2115 ավտոմեքենաների ապակիներն ամբողջությամբ կոտրվել են: Ներկայումս միջադեպի վերաբերյալ ամբողջ տեղեկատվությունը  ճշտվում է: