Անհավանական ու աննորմալ. Անտարկտիդայում +20.75 աստիճան է

Անտարկտիդայի Սեյմուր կղզում օդի ջերմաստիճանը փետրվարի 9-ին առաջին անգամ բարձրացել է մինչև +20,75 ռեկորդային նիշը. ըստ yerkir.am-ի՝ տեղեկացնում է The Guardian-ը: Դա  մոտ մեկ աստիճանով բարձր է նախորդ՝ 1982 թվականին Սիգնյու կղզում գրանված ռեկորդից. այն ժամանակ օդի ջերմաստիճանը բարձրացել էր մինչև +19.8:

Բրազիլացի գիտնականները, որոնք հեռավոր մոնիտորինգային  կայաններից տվյալներ են հավաքում 3 օրը մեկ, նշում են, որ դա «անհավանական է ու աննորմալ»:

«Մենք նկատում են տաքացման միտումներ շատ վայրերում, որտեղ աշխատում ենք, սակայն նման բան երբեք չէինք տեսել»,- ասում է նրանցից մեկը:

Մոնիտորինգային նախագիծը ստեղծել է Բրազիլիայի կառավարությունը, որի նպատակը  Անտարկտիդայի 23 օբյեկտում կլիմայի փոփոխությանը հետևելն է: