Ադրբեջանցիները հայերեն «բախտակից» բառը թարգմանել են «բախտավոր»․ Արտյոմ Տոնոյան

Արևելագետ Արտյոմ Տոնոյանը ֆեյսբուքյան գրառում է կատարել․

"Այն, որ ադրբեջանցիները հետևում են մեզ և որ հայկական առցանց մեդիա հարթակի՝ իրենց վերաբերող ոչ մի լուր չի վրիպում իրենց աչքից, դա պարզ է։

Բայց, օրինակ, թե ինչքանով են հայերենին տիրապետում և ինչ մակարդակի են հասկանում իրենց կարդացածը, իրոք, քննարկման թեմա է։ Ամիսներ առաջ մի քննարկման ժամանակ, մասնագետներից ոմանք ասում էին, որ իրենք հայերենին տիրապետող մասնագետների պակաս չունեն ու ընտիր հայերեն իմացողներ էնտեղ շատ կան։

Սա նորից հիշեցի, որովհետև այսօր առավոտյան տեսածս մի հրապարակման մեջ անգամ ճիշտ թարգմանել չէին կարողացել ՀՀ վարչապետի հին մի հոդվածի վերնագիրը, ուր մնաց թե նյութը կարդային ու հասկանային։