«Եվրատեսիլ»-ի երգերում թաքնված քաղաքական մեսիջները». թուրքական BBC-ն Genealogy-ի մասին հոդված է թարգմանել

BBC-ի թուրքական բաժինը թարգմանել է The Guardian պարբերականում հրապարակված` «Եվրատեսիլ»-ի երգերում թաքնված քաղաքական մեսիջները» հոդվածը:

Հոդվածի հեղինակ Բելլա Քվիսթը նշել է, որ «Եվրատեսիլ»-ը երկրներին համախմբող «թեթև, հաճելի», սակայն, միաժամանակ, քաղաքական մեսիջներ պարունակող ծրագիր է:

«Հայաստանը ներկայացնող Genealogy խմբի երգը նախ վերնագրվել էր «Face the Shadow» («Առերեսվիր ստվերին»), սակայն կազմակերպիչների կողմից այն խիստ քաղաքական համարվելուց հետո վերանվանվել է «Don’t deny» («Մի' ժխտիր»)»,- գրել է BBC-ի թուրքերեն բաժինը՝ վկայակոչելով The Guardian-ին:

«1915 թվականի 100-րդ տարելիցը  (թուրքերեն թարգամանությունում) հիշելով՝ Հայաստանի երգում անընդհատ շեշտվել է «Մի ժխտիր» արտահայտությունը: Երգի տեսանյութում հետզհետե անհետանում են լուսանկարում նկարահանված ընտանիքի անդամները»,- գրված է հոդվածում:

Ուշագրավն այն է, որ կայքը ծավալուն թարգմանություն է արել միայն Հայաստանի երգի մասով, իսկ մյուս երկրների մասը թարգմանել է միայն մեկ տողով: