«Դալմա Գարդեն Մոլ»-ի մի հատվածը մոտ կես ժամ ցնցվել է. մարդկանց տարհանել են

«Դալմա Գարդեն Մոլ» առևտրի կենտրոնում արտակարգ իրավիճակ է գրանցվել, շենքում գտնվողները զանգվածաբար տարհանել են:

«19:40-ի սահմաններում շենքի երկրորդ հարկի մի հատվածում ցնցումներ են նկատվել: Անմիջապես ճշտեցինք, որ ոչ միայն Հայաստանում, այլ տարածաշրջանում երկրաշարժի հավանականություն չունենք: Սակայն ցնցումները բավականին երկար ժամանակ չէին դատարում՝ մոտ կես ժամ»,- Yerkir.am-ին ասաց ԱԻՆ բնակչության պաշտպանության և աղետների հետևանքների վերացման կազմակերպման վարչության պետ Տիգրան Գիդաչյանը:

Ըստ նրա՝ անվտանգության նկատառումներով «Դալմա Գարդեն Մոլ»-ից տարհանել են աշխատակիցներին և այցելուներին:

«Ներկա պահին սեյսմիկ ծառայության աշխատակիցները տեղադրում են չափող սարքեր, ցնցման պատճառը ճշտելու համար: Նշեմ սակայն, որ այս պահին ցնցումներ չկան: Ցնցումները հավանաբար եղել են շրջակայքում որևէ շինարարության, ծանր ինժիներական տեխնիկայի աշխատանքի արդյունքում: Հիմա կիրկանացվի շենքի գործիքային ստուգում, որ համոզվենք շենքին և կոնստրուկցիաներին որևէ վտանգ կա, թե ոչ»,- նշեց Տիգրան Գիդաչյանը: