Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 4 տարի առաջ - 2020-01-09 09:49
Քաղաքական

Լիբիան կարող է վերածվել «երկրորդ Սիրիայի»` Գերմանիայի նախազգուշացումը

Լիբիան կարող է վերածվել «երկրորդ Սիրիայի»` Գերմանիայի նախազգուշացումը

ԵՄ առաջնորդները հանդիպել են Լիբիայի կառավարության ղեկավարի հետ։ Հանդիպման ժամանակ Գերմանիան նախազգուշացրել է, որ Լիբիան կարող է վերածվել «երկրորդ Սիրիայի», հայտնում է AFP-ը։

Լիբիայի վարչապետ Ֆայեզ Ալ Սարաջը հանդիպել է ԵՄ դիվանագիտության ղեկավար Ջոզեպ Բորելի հետ, որը նախազգուշացրել է, որ Լիբիան բախվել է «ջրբաժանին»։

Նա նաեւ հանդիպել է ԵՄ խորհրդի նախագահ Չառլզ Միշելի եւ Գերմանիայի ԱԳ նախարար Խեյկո Մաասի հետ, որը լրագրողներին հայտարարել է, թե «մենք ուզում ենք թույլ չտալ, որ Լիբիան երկրորդ Սիրիա դառնա»։

ԵՄ-ն պարտավորվել է «ակտիվացնել խաղաղ եւ քաղաքական կարգավորմանը հասնելու ջանքերը»՝ հուսալով, որ ՆԱՏՕ-ի հովանու ներքո, այսպես կոչված, Բեռլինյան գործընթացը կկարողանա իրավիճակից ելք առաջարկել։

Մաասը, որ նախօրեին իր ֆրանսիացի, բրիտանացի եւ իտալացի գործընկերների հետ մասնակցել էր Լիբիայի հարցով բանակցություններին, ասել է, որ Սարաջը լիովին համաձայն է Բեռլինյան գործընթացի հետ։ Նրա խոսքերով՝ Բեռլինում հանդիպումը կկայանա առաջիկա շաբաթներին։

Բորելը, որը նախկինում դատապարտել էր Թուրքիային՝ Լիբիայի հակամարտությանը միջամտելու համար, նախազգուշացրել է, որ Լիբիայում իրավիճակը ավելի ու ավելի վտանգավոր է դառնում։

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը