Առանց «իզմերի»՝ քայլու՛մ ենք, քայլու՛մ. Արտակ Սարգսյան

ՀՅԴ Հանրային կապերի գրասենյակի պատասխանատու Արտակ Սարգսյանն, ըստ Yerkir.am-ի, իր ֆեյսբուքյան էջում գրում է. 

«Իշխանության մատուցած «մութ» անցյալի , «փառապանծ» հեղափոխության և «լուսաճաճանչ» ապագայի մտապատկերում Հայաստանը հաստատակամ քայլում է դեպի անորոշություն, որտեղ ղեկավարությունը գաղափարազուրկ է ու անծրագիր, անհանդուրժողականությունն ունի սկիզբ՝ չունի վերջ, խոսքի բռնությունն ամենօրյա սովորական զբաղմունք է, իսկ ոստիկանությունը՝ կատոկ՝ ցանկացածին «ասֆալտին փռելու» համար:

Շատերը պնդում են, որ սա հիշեցնում է 37 թիվը, սակայն սխալվում են. իրավիճակը հիշեցնում է 1917 թվականի Ռուսաստանը՝ այն տարբերությամբ, որ բոլշևիկները գոնե անծրագիր չէին:

Հիմա 21-րդ դարն է, որտեղ «իզմերից» պոպուլիզմի միջոցով լավ էլ հնարավոր է «առաջնորդել» հասարակությանն այնպես, որ շատերը նույնիսկ չգիտակցեն՝ մոլորվե՞լ են, շպրտվել անցյա՞լ, թե՞ դոփումն են տեղում և թվում է, թե...քայլու՛մ են, քայլու՛մ...»: