Նորզելանդական կղզում նոր հրաբխի վտանգը թույլ չի տալիս դուրս բերել զոհերի մարմինները

Նոր Զելանդիայի ոստիկանությունը դեկտեմբերի 13-ին կսկսի Ուայթ Այլանդ կղզում հրաբխի ժայթքումից մահացած զբոսաշրջիկների մարմինների դուրսբերումը՝ չնայած զոհերի հարազատները պահանջում են դա անել ավելի վաղ. ըստ Yerkir.am-ի հայտնում է BBC-ն:

Ըստ Նոր Զելանդիայի սեյսմոլոգիական կենտրոնի տվյալների՝ առաջիկա 24 ժամվա ընթացքում հրաբուխը կարող է ևս մեկ անգամ ժայթքել:

Ավելի վաղ տեղեկացրել էինք, որ դեկտեմբերի 9-ին Ուայթ Այլանդի հրաբխի ժայթքման հետևանքով առնվազն 8 մարդ է մահացել, 20 մարդ այրվածքներով տեղափոխվել է վերակենդանացման բաժանմունք:

Իրավապահների խոսքով ՝ կղզում կարող է ևս 8 հոգու մարմին գտնվել:

Բոլոր ողջ մնացած զբոսաշրջիկները տարհանվել են: