Նորզելանդական կղզում հայտնաբերվել են զոհվածների մարմինները

Նորզելանդական Ուայթ Այլենդ կղզում փրկարարները հայտնաբերել են հրաբխի վեց զոհերի մարմինները . ըստ Yerkir.am-ի՝ հայտնում է ՌԻԱ «Նովոստի»-ն։

Հիշեցնենք, որ ութ զինվորականներից բաղկացած փրկարարների թիմը վայրէջք է կատարել կղզում՝ զոհերի մարմինները հայտնաբերելու նպատակով:

«Վեց մարդկանց մարմինները պատրաստվել են Ուայթ Այլենդ կղզուց տեղափոխվելու համար, սկսվել է Wellington անունով նավի վրա նրանց տեղափոխման գործընթացն ուղղաթիռով»,- նշվում է իրավապահների թվիթերյան հայտարարությունում։

Զոհերից մեկի մարմինն արդեն հաջողությամբ տեղափոխվել է կղզուց։

Գործընթացը բարդանում է ռիսկի գործոններով, քանի որ մասնագետները չեն բացառում երկրորդ ժայթքման հնարավորությունը հաջորդ 24 ժամվա ընթացքում, հավանականությունը 50-60 տոկոս է։

Yerkir.am-ն ավելի վաղ տեղեկացրել էր, որ հրաբխի ժայթքումը հրաբխային Ուայթ Այլենդ կղզում տեղի է ունեցել դեկտեմբերի 9-ին։ Զոհերի թիվը հասել է ութի։ Մի քանի մարդ համարվում է անհետ կորած։

Շատ տուժածներ ծանր մարմնական վնասվածքներ ունեն. 31-ից 27-ն ստացել է մարմնի մակերեսի ավելի քան 30 տոկոսի այրվածքներ, կան մադիկ, որոնց շնչուղիներն են այրվել։

Հիվանդանոցներից մեկի ներկայացուցչի խոսքով՝ երկու տուժածների այրվածնքերը հասնում են 90 տոկոսի։

Ըստ ոստիկանության՝ ողջ մնացածներ կղզում չկան։