Ռուսաստանի ֆուտբոլի հավաքականը կկարողանա մասնակցել Աշխարհի 2022 թ. առաջնությանը մեկ պայմանով

Հակադոպինգային համաշխարհային գործակալության (WADA) ղեկավար Ջոնաթան Թեյլորը անդրադարձել է Ռուսաստանի նկատմամբ կիրառված որակազրմանը:

«Եթե Ռուսաստանը հաղթահարի ընտրական փուլը, չի կարողանա մասնակցել ֆուտբոլի Աշխարհի 2022 թ. առաջնությանը «Ռուսաստան» անունով: Հավաքականի յուրաքանչյուր ֆուտբոլիստ պարտավոր է մրցաշարին մասնակցելու  համար հատուկ դոպինգ թեստ հանձնել». - ըստ Yerkir.am-ի՝ հայտնում է sport24.ru կայքը՝ մեջբերելով Թեյլորի խոսքերը:

Հիշեցնենք, որ երեկ WADA-ն Ռուսաստանին 4 տարով զրկեց աշխարհի առաջնություններին և Օլիմպիական խաղերին մասնակցելուց, որի պատճառը ռուս մարզիկների մոտ դոպինգ-թեստի դրական արդյուքներն ու դրանք փոխելն էր: Չնայած որ Ռուսաստանի ֆուտբոլի հավաքականը ներգրավված չէր այդ սկանդալում, այնուամենայնիվ այն տարածվեց նաև հավաքականի վրա: