Մահացել է Մոսկվայի նախկին քաղաքապետ Յուրի Լուժկովը

84 տարեկան հասակում մահացել է Մոսկվայի նախկին քաղաքապետ Յուրի Լուժկովը. ըստ Yerkir.am-ի՝ հայտնում է «Ինտերֆաքս» լրատվական գործակալությունը՝  Ռուսաստանի մայրաքաղաքի նախկին քաղաքապետի շրջապատում սեփական աղբյուրին հղումով:

Լուժկովը մահացել է Եվրոպայում: Նշվում է, որ պատճառը սրտի վիրահատության հետևանքով առաջացած բարդություններն են: 

Հիշեցնենք՝  Յուրի Լուժկովը Մոսկվայի քաղաքապետի պաշտոնը զբաղեցրել է 18 տարի՝ 1992 թվականի հունիսից մինչև 2010-ի սեպտեմբեր, երբ Ռուսաստանի նախագահ Դմիտրի Մեդվեդևը նրան պաշտոնանկ արեց «վստահության կորստի» պատճառաբանությամբ:

Հրաժարականից հետո Լուժկովը բիզնեսով էր զբաղվում Կալինինգրադի մարզում, նրա կինը՝ գործարար Ելենա Բատուրինան, տեղափոխվել էր Եվրոպա: