Լուժկովը հեռացել է Ռուբլյովկայից

Մոսկվայի նախկին քաղաքապետ Յուրի Լուժկովը որոշել է մոտ 2 հա հող գնել Կալուգայի շրջանում, որտեղ կկարողանա տեղափոխել մերձմոսկովյան «Մեղրի մարգագետինները», որը կառուցել է մի քանի տարի առաջ Ռուբլյովո-Ուսպենսկոյե փողոցում գտնվող իր բնակավայրում:

Կալուգայի շրջանում Լուժկովը մի ոչ մեծ տուն եւ հողակտոր ունի, որտեղ մի քանի տասնյակ փեթակ կա:

Մոսկվայի նախկին քաղաքապետը առանձնակի սիրով է զբաղվում մեղվաբուծությամբ:

«Երբ մենք խոսում ենք մեղրի մասին, իհարկե, առաջին հերթին հենց մեղվի մասին ենք խոսում: Մեղվային ընտանիքը կյանքը կազմակերպելու օրինակ է, որին, անխոս, մարդը պետք է հետեւի»,- ասել է Լուժկովը` իր հարցազրույցներից մեկի ժամանակ:

«Մեղրի մարգագետիններում» հավաքված մեղրը նախկին քաղաքապետը ինքն է օգտագործում, հյուրասիրում էր իր այցելուներին, տալիս է դպրոցներին եւ մանկատներին:

Այս մասին հաղորդում է Интерфакс-ը: