Բեյրութում ցույցերի ֆոնին՝ բախումներ են տեղի ունեցել ակցիայի մասնակիցների և շիաների միջև

Հակակառավարական ցուցարարների և շիական «Հըզբոլլահ» կուսակցության ու «Ամալ» շարժման կողմնակիցների միջև կիրակի լույս երկուշաբթի գիշերը բախումներ են տեղի ունեցել Բեյրութում. ըստ Yerkir.am-ի՝ հայտնում է ՏԱՍՍ-ը։

Գործակալության տեղեկություններով՝ հավաքվածները միմյանց վրա քարեր են նետել։ Անվտանգության ուժերն արցունքաբեր գազ են կիրառել նրանց ցրելու նպատակով։ Մոտ հինգ մարդ ստացել է տարբեր աստիճանի մարմնական վնասվածքներ:

Հիշեցնենք՝ բողոքի զանգվածային ակցիաների ալիքը Լիբանանում սկսվել է հոկտեմբերի 17-ին և հանգեցրել կոալիցիոն կառավարության հրաժարականին՝ Սաադ Հարիրիի ղեկավարությամբ, որն այս պահին վարչապետի ժամանակավոր պաշտոնակատարն է: