ԱՄՆ-ը հայտնել է, թե ինչ պայմանով կօժանդակի Սիրիային

ԱՄՆ-ը չի օժանդակի սիրիական տարածքների վերականգնմանը, քանի դեռ չի տեսնի «վստահություն ներշնչող և անդառնալի քաղաքական գործընթաց». ըստ «Ռոսբալթ»-ի` հայտարարել է Սիրիայի հարցով ԱՄՆ հատուկ ներկայացուցիչ Ջեյմս Ջեֆրին:

Ըստ նրա` այդ դիրքորոշումը համընկնում է եվրոպական և մերձավորարևելյան գործընկերների կարծիքի հետ: «Մենք սերտորեն կաշխատենք` այդ ճնշումը պահպանելու համար»,- ընդգծել է Ջեֆրին:

Հիշեցնենք, որ հոկտեմբերի վերջին հայտնի էր դարձել, որ ԱՄՆ-ը քննարկում է իր ռազմական ներկայությունը` 500 զինծառայող, Սիրիայի հյուսիս-արևելքում պահպանելու հնարավորությունը: Բացի այդ` նախատեսվում է Սիրիա ուղարկել մի քանի տասնյակ տանկ և այլ ռազմական տեխնիկա: