Ալ Բաղդադիի փոխանորդը երկար չի ապրի. ԱՄՆ պետքարտուղարություն

ԱՄՆ պետքարտուղարությունում վստահ են, որ ԴԱԻՇ-ի կամ «Իսլամական պետություն» ահաբեկչական խմբավորման ոչնչացված առաջնորդ Աբու Բաքր ալ Բաղդադիի փոխանորդը երկար չի ապրի. ըստ Yerkir.am-ի՝ հայտնում է segodnya.ua-ն:

«Եթե նա Իրաքում է կամ Սիրիայում, մենք չենք կարծում, թե  նա երկար կապրի այս աշխարհում»,- ասել է գերատեսչության ներկայացուցիչը՝ միևնույն ժամանակ խոստովանելով, որ ոչ ոք ոչինչ չգիտի նրա ծագման մասին և, ըստ երևույթին, նա ոչ ոք է։

Հիշեցում

Yerkir.am-ն ավելի վաղ տեղեկացրել էր, որ «Իսլամական պետություն» ահաբեկչական խմբավորման ներկայացուցիչը ձայնագրության միջոցով տեղեկացրել էր խմբավորման նոր առաջնորդի ընտրության մասին՝ միևնույն ժամանակ հաստատելով նախկին ղեկավարի՝ Աբու Բաքր ալ Բաղդադիի մահը:

Բաղդադիի իրավահաջորդ էր ընտրվել Աբու Իբրահիմ ալ Հաշիմի ալ Կուրայշը՝ կուրայշների ցեղախմբից, որից սերում է նաև Մուհամեդ մարգարեն:

Նաև հայտնի էր դարձել ահաբեկչական խմբի մամուլի քարտուղար և ալ Բաղդադիի օգնական Աբու Հասան ալ Մուհաջիրի մահվան մասին: