Ալ Բաղդադիի 10-ից ավելի ազգականները ձերբակալվել են, հայտնաբերվել է նաև նրա երեխան. Էրդողան

Թուրքիայի անվտանգության ուժերը ձերբակալել են «Իսլամական պետություն» ահաբեկչական խմբավորման նախկին առաջնորդ Աբու Բաքր ալ Բաղդադիի ավելի քան 10 ազգականներին. ըստ Yerkir.am-ի՝  թուրքական En Son Haber լրատվականը՝ Թուրքիայի նախագահ Ռեջեփ Թայիփ Էրդողանի խոսքերին հղումով:

«Ալ Բաղդադիի մոտ շրջապատի անձինք թիրախավորել են մեր երկիրը: Վերջինը սիրիական Աազազում բռնել են ալ Բաղդադիի քրոջ ամուսնուն և նրանց երեխային՝ ուղարկելով  նրանց գաղթականների ճամբար: Տեսնենք, թե ինչ որոշում կընդունի մեր արդարադատության նախարարությունը: Ալ Բաղդադիի ձերբակալված ազգականների թիվն արդեն երկնիշ է»,- մանրամասնել է Թուրքիայի նախագահը լրագրողների հետ զրույցի ընթացքում:

Թուրքիայի նախագահը տեղեկացրել է նաև, որ հատուկ ծառայությունները հայտնաբերել են նաև ալ Բաղդադիի երեխային, որի արյունակցական կապը հաստատվել է ԴՆԹ հետազոտության միջոցով:

Հիշեցում

Yerkir.am-ն ավելի վաղ տեղեկացրել էր, որ հոկտեմբերի 26-ին ԱՄՆ-ն Սիրիայում հատուկ գործողություն է իրականացրել «Իսլամական պետություն» ահաբեկչական կազմակերպության առաջնորդ Աբու Բաքր ալ-Բաղդադիի դեմ, ինչի արդյունքում սպանվել էր ահաբեկչական խմբավորման առաջնորդը: Այս մասին ավելի վաղ հայտնարարել էր ԱՄՆ նախագահ Դոնալդ Թրամփը: