Բոլթոնը որոշել է անտեսել Թրամփի պաշտոնանկության գործընթացի վերաբերյալ լսումներին մասնակցության հրավերը

ԱՄՆ նախագահի ազգային անվտանգության հարցերով նախկին խորհրդական Ջոն Բոլթոնը որոշել է անտեսել Ներկայացուցիչների պալատում Դոնալդ Թրամփի պաշտոնանկության գործընթացի վերաբերյալ լսումներին մասնակցության հրավերը. հայտնում է The Wall Street Journal-ը՝  նախկին պաշտոնյայի փաստաբան Չարլզ Կուպերի խոսքերին հղումով:

Կուպերի պնդմամբ՝ Բոլթոնը «դեմոկրատների առաջարկն ընդունելու որևէ տրամադրվածություն չունի»:

Ծրագրվում է, որ Բոլթոնն ԱՄՆ Կոնգրեսում ելույթ կունենա նոյեմբերի 7-ին, իսկ ԱԱԽ խորհրդականներ Ջոն Այզենբերգը և Մայքլ Էլիսը՝ նոյեմբերի 4-ին:

Հիշեցնենք, որ Բոլթոնին Ներկայացուցիչների պալատից կանչել են՝ ցուցմունք տալու Դոնալդ Թրամփի պաշտոնանկության գործընթացի շրջանակում: