Սիրիական զորքերն առաջ են շարժվում

Երեկ հայտնի դարձավ, որ քրդերն ու Սիրիայի կառավարությունը որոշել են համագործակցել թուրքական էքսպանսիայի դեմ: Թեև Սիրիան պաշտոնապես դեռ չի հայտարարել այդ մասին, այնուհանդերձ, Սիրիայի քրդերի ինքնավարության ղեկավարությունը հայտնում է, որ համաձայնության է եկել Բաշար ալ Ասադի ղեկավարության հետ:

Սիրիայի կառավարական զորքերն արդեն դիրքավորվել են Թալ Թամր քաղաքի արևմտյան մասում, որը գտնվում է Ռաս ալ Այն քաղաքի մոտակայքում, իսկ այդ քաղաքը համարվում է Թուրքիայի գլխավոր թիրախներից մեկը. հաղորդում է i24news.tv կայքը:

Ըստ լրատվամիջոցների՝ սիրիական զորքը տեղակայվել է նաև Մանբիջ և սահմանային Քոբանի քաղաքի մոտակայքում: