ՏԵՍԱՆՅՈՒԹ. 2020թ. բյուջեով չկա աշխատավարձերի, կենսաթոշակների և նպաստների ավելացում. տնտեսագետ

Գնաճ, հիասթափություն և արտագաղթ. Yerkir.am-ի հետ զրույցում 2020 թ. բյուջեի մասին այսպիսի կանխատեսում արեց ՀՅԴ Բյուրոյի տնտեսական հետազոտությունների գրասենյակի ծրագրերի համակարգող, տնտեսագետ Թադևոս Ավետիսյանը:

Կառավարությունը հոկտեմբերի 30-ին, հավանություն տվեց Հայաստանի 2020թ. բյուջեի նախագծին, որն առաջիկայում կքննարկվի Ազգային ժողովում: Այս նախագծով շուրջ 200 մլրդ ավելի ծախս է նախատեսվում, աշխատավարձերի, կենսաթոշակների և նպաստների ավելացում չկա (բացի նվազագույն աշխատավարձի չափից, որը դեռ միայն նախագիծ է), իսկ Կենտրոնական բանկը կանխատեսում է 4 (+/-1.5) տոկոս գնաճ:

Այս համատեքստում տնտեսագետը անխուսափելի համարեց աղքատության տոկոսի ավելացումը: Նա նշեց, որ աշխատավարձը գնաճի պայմաններում չբարձրանալու դեպքում, փաստացի, կնվազի՝ առավել քիչ ապրանքների և ծառայությունների կբավարարի, և շատերը, որ տնտեսական հեղափոխության ակնկալիքներ ունեին, այս իրավիճակում հիասթափության ալիքի տակ մնալով, թերևս, կբռնեն արտագաղթի ճանապարհը:

Մանրամասները՝ տեսանյութում: