Վավերագրական ֆիլմ եմ պատրաստում Ցեղասպանության մասին՝ ներկայացնելով այն իմ ընտանիքի պատմության միջոցով. ռեժիսոր

Ռուսաստանի Դաշնությունում բնակվող հայ ռեժիսոր Սարիկ Անդրեասյանն իր ինստագրամյան էջում լուսանկար է հրապարակել Արևմտյան Հայաստան կատարած իր այցից ու կից գրառում կատարել:

Նա մասնավորապես նշել է. «Վերջին օրերին ավելի քան 500 մարդ գրել է ինձ այն հարցով, թե ինչ եմ անում այն վայրում, որտեղ դեռ պահպանված են Հայոց ցեղասպանության հետքերը: Ես վավերագրական ֆիլմ եմ պատրաստում Ցեղասպանության մասին՝ ներկայացնելով այն իմ ընտանիքի պատմության միջոցով: Սկսելով ռուս-թուրքական պատերազմից մինչև մեր օրերը: Ես ֆիլմը կցուցադրեմ Ռուսաստանի քաղաքներում և կկազմակերպեմ ցուցադրություններ ու պրեմիերաներ հայերի և բոլոր նրանց համար, ում անհանգստացնում է այն: Կդիտենք, կքննարկենք անցյալն ու ապագան: Շնորհակալ եմ»:

Հավելենք, որ Սարիկ Անդրեասյանը «Երկրաշարժ» ֆիլմի ռեժիսորն է: