Պետք է հաշվի նստել 1915 թ հետ. թուրք պատգամավոր

Թուրքիայի խորհրդարանի պատգամավոր,  քրդամետ «Ժողովրդա-դեմոկրատական կուսակցության» անդամ Մերալ Բեշթաշը Շվեդիա կատարած այցի շրջանակներում և ասորական սփյուռքի հետ հանդիպման ժամանակ անդրադարձել է Հայոց ցեղասպանության հարցում թուրքական իշխանությունների քաղաքականությանը:  

«Գոյություն ունի 1915 թվականի Ցեղասպանության հարցը: Պետք է հաշվի նստել այդ հարցի հետ և լուծում գտնել: Դեռ կան Դերսիմի կոտորածները և շատ այլ հարցեր…», -հաղորդում է  Rusarminfo-ն:

Քուրդ պատգամավորն անդրադարձել է նաև քուրդ բնակչության նկատմամբ ճնշումներին՝ ընդգծելով, որ Թուրքիայում հնարավոր չէ կրթություն ստանալ մայրենի լեզվով, իսկ «ընդունելի» երկրում համարվում են միայն թուրքական ծագում ունեցողները: