Հարկավոր էր օկուպացնել ամբողջ Վրաստանը և դատել Սահակաշվիլիին. Ժիրինովսկի

Ռուսաստանի Լիբերալ-դեմոկրատական կուսակցության ղեկավար Վլադիմիր Ժիրինովսկին, պատասխանելով Царьград-ի` Մոսկվայի և Թբիլիսիի միջև ստեղծված իրավիճակի մասին հարցին, ասել է, որ հարկավոր էր օկուպացնել ամբողջ Վրաստանը:

«Հարկավոր էր օկուպացնել ամբողջ Վրաստանը: Ձերբակալել Սահակաշվիլիին, դատել նրան այստեղ` պատերազմ հրահրելու համար և իշխանության բերել Գիորգաձեին` (Վրաստանի պետական անվտանգության նախկին նախարար Իգոր Գիորգաձեին, որը «Արդարություն» կուսակցության անդամ էր և պայքարում է Սահակաշվիլիի դեմ) Ռուսաստանի կողմնակցին: Պետք են պատասխան  կոշտ միջոցներ, որպեսզի ոչ ոք անգամ չմտածի, որ կարող է ստորացնել մեր երկիրը»,- ասել է Ժիրինովսկին: