ԼՂ կարգավճակը կարող է դիտարկվել միայն հայկական և ադրբեջանական համայնքների կողմից. Ադրբեջանի ԱԳՆ

Ադրբեջանի ԱԳՆ պաշտոնական ներկայացուցիչ Լեյլա Աբդուլաևան անդրադարձել է ՀՀ ԱԳՆ մամուլի խոսնակ Աննա Նաղդալյանի` ԼՂ  հակամարտության մասին վերջին հայտարարություններին. հայտնում է Minval.az-ը:

Ըստ նրա` իրենց դիրքորոշումը ԼՂ հայկական համայնքի` բանակցություններին մասնակցելու հարցում բազմիցս բարձրաձայնվել է:

«Մենք կրկնում ենք, որ բանակցություններն ընթանում են հակամարտության մասնակիցների` Հայաստանի և Ադրբեջանի միջև, իսկ հայկական և ադրբեջանական համայնքները կարող են ներգրավվել բանակցություններում որոշակի փուլում` ԵԱՀԿ ՄԽ բոլոր մասնակիցների համաձայնության դեպքում»,-ասել է Աբդուլաևան` հավելելով, որ ԼՂ կարգավիճակը կարող է դիտարկվել հայկական և ադրբեջանական համայնքների կողմից այն բանից հետո, երբ ադրբեջանական բնակչությունը վերադառնա իր տուն:

«Պետք է ափսոսանքով նշեմ, որ այսօր ագրեսոր երկրի` Հայաստանի ղեկավարությունը մի կողմից խոսում է հակամարտության խաղաղ կարգավորման անհրաժեշտության մասին, մյուս կողմից`անթաքույց հրամայում սպանել ադրբեջանցիներին»,- ասել է նա: